Arsenal lokan: Ogbonge computer don predict Arsenal to win Premier League dis season

Arsenal fans go like dis tory well well because one ogbonge super computer don predict say na The Gunners go break Manchester City Premier League dominance dis season because na dem go win the EPL title this season.

Even though na Arsenal dey top league now, the mind of them fans no rest at all because apart from the fact say na only 1 point separate them from Manchester City and Tottenham on top the Premier League table, the Gunners wey everybody know na the ones wey dey start season well with initial gragra only to flop when season finally tie wrapper.

Just like elephant wey climb tree, everybody believe say Arsenal go finally crash down

But this super computer don dey tell Arsenal fans make dem relax and enjoy themself because you see dis season wey we dey so, Arsenal lokan. Na dem get am and based on logistics, Arteta will bring it home.

According to the supercomputer wey belong to Football Web Pages, Arsenal go win premier league with 86 points, 3 points above Manchester City wey go finish second. The computer predict say although Manchester City go win all dem home matches, Arsenal go still overthrow them as EPL champions.

Brighton and Tottenham also no go lose for home and the two of them go finish third and fourth. The computer also predict say Liverpool no go win any single away match and West Ham go finish last for table and dem go win only 1 home match the full season.

Arsenal never win premier league since 2003/2004 which is nearly 20 years now. Meanwhile club like Manchester City don win am 4 times in the last 5 years. True true dis life no balance but if The Gunners go win the league dis season, things go balance small. See the final league standing wey the supercomputer predict:

Final league standing according to the supercomputer