Connect with us

As e dey Go

Transfer news: Chelsea don sign Chukwuemeka, Alex Telles to join Sevilla on loan

Published

on

Transfer news: Chelsea don sign Chukwuemeka, Alex Telles to join Sevilla on loan

Today transfer news na young-young players full inside because right now we fit confirm give una say Chelsea don sign Naija blood, Carney Chukwuemeka from Aston Villa on top £15m contract.

Carney Chukwuemeka wey sign 6 years contract with Chelsea na 18 years old midfielder wey just break through from Aston Villa academy. Him papa and mama born am for Austria but dem later waka enter UK and na there Chukwuemeka grow up with him family.

Carney Chukwuemeka wey go do him Chelsea medicals today dey eligible to play for Austria, England and Nigeria. But for now him never choose national team although him don play under-17, 18 and 19 for England and him follow for the team wey win European Under-19 championship.

Riqui Puig don finally leave Barcelona on free transfer

Transfer news: Chelsea don sign Chukwuemeka, Alex Telles to join Sevilla on loan

Riqui Puig don finally leave Barcelona on top free transfer

Former Barcelona wonder kid, Riqui Puig don finally leave the club to join LA Galaxy after many barren years as a senior player. Puig wey dey 23 years now join Barcelona academy for 2013 when him dey just 14 years old. Him finally join the senior team for 2018 after many people don look am say na dis bobo be the future of Barca midfield.

But after joining the senior team naim things begin collapse for am. Different coachies wey coach Barca since then no too gbadun the boy style sotay even Ronald Koeman advise am to go on loan but him no gree. As e be now, Xavi don tell am say him no dey him plans dis season and dem don finally allow am leave on transfer although if LA Galaxy later sell am, Barca go collect share from the transfer fee.

Alex Telles to join Sevilla on loan

Transfer news: Chelsea don sign Chukwuemeka, Alex Telles to join Sevilla on loan

Alex Telles never really see him period since joining Manchester United from Porto for 2020 so the club don decide to pass am over to Sevilla

Manchester United left back, Alex Telles don dey ready to leave the club join Sevilla on top loan contract. Na for 2020 naim United count 15.4 million pounds take go sign Telles from Porto with the hope say him go one day replace Luke Shaw wey dey always get injury.

But two years down the line, even though we don see some sign of life from the bobo, overall him no dey dat level at all and na wetin make United don decide to kuku count dem losses and send the guy out on loan maybe na from there him go find him way forward.

 

As e dey Go

I dey remind Victor Osimhen everyday to join Chelsea- John Obi Mikel

Published

on

Make Chelsea sack Pochettino if him no fit deliver the container- John Obi Mikel

Former Super Eagles skippo, John Obi Mikel don come outside dey shalaye say na almost everyday him dey chat Victor Osimhen dey remind am say make him no join any other club wey no be Chelsea because na club wey go favour am be that.

Osimhen wey be the current African footballer of the year dey currently play for Napoli but everybody believe say soon and very soon the Nigerian hit man go need to leave the club for something bigger.

And Mikel wey be former Chelsea player and legend after him carry them win Champions League believe say na him former club go fit Victor Osimhen pass. According to Mikel:

I know say many other clubs dey chook eyes for Osimhen matter. Clubs like PSG, Liverpool and even Manchester United dey toast am. But I believe say if you watch Chelsea now, our problem na say we no sabi put ball inside net. And the only work wey Osimhen sabi na to put ball into net. If that bobo come Chelsea, walai talai him go blow pass Timaya.

FIFA nominate Victor Osimhen for the 2023 Best Player Award
Mikel Obi also say na him dey act as Victor Osimhen agent for this parol. Him say Osimhen fit no be the most flashy player wey too skillful. But just like Haaland, Osimhen sabi put ball inside net and na wetin make am be big player be that.

Victor Osimhen na sharp shooter wey score 26 goals take help Napoli win Italian Serie A for the 2022/23 season. So far, the 25 years old striker don score 13 goals inside 21 appearances for Napoli this season including the hat trick wey him score against Sassuolo for Napoli last Serie A match.

 

Continue Reading

As e dey Go

Wasted talent: Alan Shearer blast Marcus Rashford for wasting him career

Published

on

Transfer news: PSG wan sign Marcus Rashford, Manchester United don agree price with Rabiot

Premier League legend, Alan Shearer don come outside dey draw ear give Marcus Rashford take dey warn am say, if you no take time and begin behave yourself, you go waste this your talent and your career. This one na after Marcus Rashford miss Manchester United FA Cup 4-2 win against Newport on Sunday.

According to Manchester United manager, Erik Ten Hag, Rashford miss the match because him call in sick on the Friday before the match say him no go fit make am. But reports show say Rashford been go one night club on that Wednesday go over enjoy and na since after that club naim wetin dey do am begin do am. Ten Hag say na internal matter so him go deal with am internally.

But this one don make many people dey wonder say which kind internal issue go make player no even turn up on the day of match? Alan Shearer also recall sometime last season when the same Marcus Rashford chop punishment after him arrive late for meeting before one of them league matches.

Wasted talent: Alan Shearer blast Marcus Rashford for wasting him career

Alan Shearer

Na this one don make Shearer wey be Premier all-time top scorer de shake head with pity say Rashford just want to waste him talent. According to the legendary striker:

Marcus Rashford get big talent o, but the problem now be say him just want to waste am. Because we see the boy when him serious last season na. But this season so far, I no know wetin be him problem, whether him get family problem abi him girlfriend dey give am problem, or maybe na just village people, we need to help this boy and find out wetin be the problem otherwise him go just waste him career for nothing.

Alan Shearer also advice Rashford to find better manager and surround himself with wise people wey go dey remind am say if him continue like this and him career end, then him go truly regret him life and him wasted talent.

For now we dey wait to see how Erik Ten Hag wan take resolve Marcus Rashford internal problems.

Continue Reading

As e dey Go

Super Eagles go beat Cameroon like small pikin- Segun Odegbami

Published

on

Super Eagles go beat Cameroon like small pikin- Segun Odegbami

As AFCON 2023 don enter knockout stage wey them don pair Nigeria to play Cameroon for the Round of 16 so, Super Eagles legend, Segun Odegbami don come outside like KingKong dey beat him chest say this Cameroon match go too easy for Nigeria because we go beat them like small pikin.

This one dey come after the AFCON wey dey happen inside Ivory Coast progress from the group stage enter knockout stages. This talk confuse many people because even for the group stage self, the Super Eagles no really impress as them manage to score only three goals in their three matches still finish second for the group.

On top of that the ball wey them dey play no even dey sweet for eyes make we say na that one we take hold body self. But on top of all of this, Mathematical Segun believe say Nigeria wey no dey give fans joy go easily beat and eliminate five-time AFCON champions, Cameroon from the competition.

Super Eagles go beat Cameroon like small pikin- Segun Odegbami

Segun Odegbami believe say Cameroon no be Nigeria mate

According to Odegbami:

Na this Cameroon wey everybody dey fear naim go be our easiest match for this AFCON. Because all those their gidigbo football wey them like to dey play no go work for this new stadium wey we dey go. The former stadium wey them been dey play rough like farmland. But na this smooth pitch naim we go catch them take show them correct pepper.

Segun Odegbami also talk say the Super Eagles dey improve for them game because after drawing their first match them win the last two. According to the legend, na progressive that so no shaking for that Round of 16 match.

Nigeria go play Cameroon for their Round of 16 match wey go happen on Saturday by 9pm Nigeria time. Wetin you think about that match? Abeg tell us for comment section.

Continue Reading

Trending