Connect with us

As e dey Go

No club for Europe gree sign Ronaldo for £80k per week

Published

on

No club for Europe gree sign Ronaldo for £80k\week

This Cristiano Ronaldo £173 million transfer to Al Nassr still dey cause plenty wahala because we don dey hear now say one of the reasons why Ororo finally decide to go Saudi Arabia na because no other club for Europe want am.

According to the latest tory wey we hear, the thing bad sotay at a point Ronaldo agent then, oga Jorge Mendez begin dey carry Ronaldo around the whole Europe like who dey hawk pure water, dey beg clubs to collect am for just £80,000 per week, but everybody avoid them.

If una remember when Al Nassr unveil Ronaldo as them latest player, the five-time Ballon d’Or winner come outside dey claim say many many clubs for Europe dey toast am dey beg am to join them but him no gree join because him don already promise Al Nassr to join them.

But now, we don dey hear say no single club toast Ororo, instead na him agent dey toast and beg other clubs to sign am, even if na £80,000 per week them fit pay, no wahala. Yet no single club gree buy that GOAT.

According to this report on top The Athletic, na for beginning of season when Cristiano Ronaldo no wan play Europa League with Manchester United, to find solution to the problem, United begin find way to loan Ronaldo out with the hope say by the end of season him go don change him mind.

FA don open case for Manchester United head for agbero behavior

Upon say dem reduce the money to only £80,000 per week, no club gree buy that GOAT

To make the loan deal even sweeter, Manchester United even offer to dey pay £305,000 out of Ronaldo salary of £385,000 per week so any club we wan collect am for just need to dey pay £80,000, but yet no club for Europe gree collect am.

Na that be the reason wey make am remain for Manchester United this season until him finally provoke go do that interview wey him agent, oga Jorge Mendes warn am not to do because na wetin go kill him career for Europe be that.

True true, after the interview, nobody even want near am again. But Cristiano Ronaldo think say if him shine for World Cup, European clubs go begin rush am again but unfortunately, the World Cup cast for him head. As no club for Europe agree to even talk to am, the bros kuku decide to settle for Saudi Arabia.

As e dey Go

I dey remind Victor Osimhen everyday to join Chelsea- John Obi Mikel

Published

on

Make Chelsea sack Pochettino if him no fit deliver the container- John Obi Mikel

Former Super Eagles skippo, John Obi Mikel don come outside dey shalaye say na almost everyday him dey chat Victor Osimhen dey remind am say make him no join any other club wey no be Chelsea because na club wey go favour am be that.

Osimhen wey be the current African footballer of the year dey currently play for Napoli but everybody believe say soon and very soon the Nigerian hit man go need to leave the club for something bigger.

And Mikel wey be former Chelsea player and legend after him carry them win Champions League believe say na him former club go fit Victor Osimhen pass. According to Mikel:

I know say many other clubs dey chook eyes for Osimhen matter. Clubs like PSG, Liverpool and even Manchester United dey toast am. But I believe say if you watch Chelsea now, our problem na say we no sabi put ball inside net. And the only work wey Osimhen sabi na to put ball into net. If that bobo come Chelsea, walai talai him go blow pass Timaya.

FIFA nominate Victor Osimhen for the 2023 Best Player Award
Mikel Obi also say na him dey act as Victor Osimhen agent for this parol. Him say Osimhen fit no be the most flashy player wey too skillful. But just like Haaland, Osimhen sabi put ball inside net and na wetin make am be big player be that.

Victor Osimhen na sharp shooter wey score 26 goals take help Napoli win Italian Serie A for the 2022/23 season. So far, the 25 years old striker don score 13 goals inside 21 appearances for Napoli this season including the hat trick wey him score against Sassuolo for Napoli last Serie A match.

 

Continue Reading

As e dey Go

Wasted talent: Alan Shearer blast Marcus Rashford for wasting him career

Published

on

Transfer news: PSG wan sign Marcus Rashford, Manchester United don agree price with Rabiot

Premier League legend, Alan Shearer don come outside dey draw ear give Marcus Rashford take dey warn am say, if you no take time and begin behave yourself, you go waste this your talent and your career. This one na after Marcus Rashford miss Manchester United FA Cup 4-2 win against Newport on Sunday.

According to Manchester United manager, Erik Ten Hag, Rashford miss the match because him call in sick on the Friday before the match say him no go fit make am. But reports show say Rashford been go one night club on that Wednesday go over enjoy and na since after that club naim wetin dey do am begin do am. Ten Hag say na internal matter so him go deal with am internally.

But this one don make many people dey wonder say which kind internal issue go make player no even turn up on the day of match? Alan Shearer also recall sometime last season when the same Marcus Rashford chop punishment after him arrive late for meeting before one of them league matches.

Wasted talent: Alan Shearer blast Marcus Rashford for wasting him career

Alan Shearer

Na this one don make Shearer wey be Premier all-time top scorer de shake head with pity say Rashford just want to waste him talent. According to the legendary striker:

Marcus Rashford get big talent o, but the problem now be say him just want to waste am. Because we see the boy when him serious last season na. But this season so far, I no know wetin be him problem, whether him get family problem abi him girlfriend dey give am problem, or maybe na just village people, we need to help this boy and find out wetin be the problem otherwise him go just waste him career for nothing.

Alan Shearer also advice Rashford to find better manager and surround himself with wise people wey go dey remind am say if him continue like this and him career end, then him go truly regret him life and him wasted talent.

For now we dey wait to see how Erik Ten Hag wan take resolve Marcus Rashford internal problems.

Continue Reading

As e dey Go

Super Eagles go beat Cameroon like small pikin- Segun Odegbami

Published

on

Super Eagles go beat Cameroon like small pikin- Segun Odegbami

As AFCON 2023 don enter knockout stage wey them don pair Nigeria to play Cameroon for the Round of 16 so, Super Eagles legend, Segun Odegbami don come outside like KingKong dey beat him chest say this Cameroon match go too easy for Nigeria because we go beat them like small pikin.

This one dey come after the AFCON wey dey happen inside Ivory Coast progress from the group stage enter knockout stages. This talk confuse many people because even for the group stage self, the Super Eagles no really impress as them manage to score only three goals in their three matches still finish second for the group.

On top of that the ball wey them dey play no even dey sweet for eyes make we say na that one we take hold body self. But on top of all of this, Mathematical Segun believe say Nigeria wey no dey give fans joy go easily beat and eliminate five-time AFCON champions, Cameroon from the competition.

Super Eagles go beat Cameroon like small pikin- Segun Odegbami

Segun Odegbami believe say Cameroon no be Nigeria mate

According to Odegbami:

Na this Cameroon wey everybody dey fear naim go be our easiest match for this AFCON. Because all those their gidigbo football wey them like to dey play no go work for this new stadium wey we dey go. The former stadium wey them been dey play rough like farmland. But na this smooth pitch naim we go catch them take show them correct pepper.

Segun Odegbami also talk say the Super Eagles dey improve for them game because after drawing their first match them win the last two. According to the legend, na progressive that so no shaking for that Round of 16 match.

Nigeria go play Cameroon for their Round of 16 match wey go happen on Saturday by 9pm Nigeria time. Wetin you think about that match? Abeg tell us for comment section.

Continue Reading

Trending