Connect with us

As e dey Hot

Naija Boy Chuba Akpom don win Championship Player of the Year

Published

on

Naija Boy Chuba Akpom don win Championship Player of the Year

Naija blood and Middlesbrough of England striker, Chuba Akpom don win the English Championship Player of the Season for the award event wey shele last night.

Akpom score 29 goals in all competitions this season to become the first Middlesbrough player to score more than 20 goals inside one season in more than 30 years.

But if dem tell you when season start say this boy go later perform this kind wonder you for no believe am. This na because from when season start for May until June 2022, Akpom no even get jersey number talkless of to dey see bench. Na diswan make many people expect the former Arsenal man to leave the club go find greener pastures elsewhere.

But as God may have it, Middlesbrough sack their coachie then, oga Chris Wilder and bring in Manchester United legend Michael Carrick as dem new coachie.

Naija Boy Chuba Akpom don win Championship Player of the Year

Chuba Akpom score 28 league goals for Middlesbrough

Na then things begin turn around for the former Arsenal academy player as the bobo begin bang goals anyhow until ending up as the Championship top scorer with 28 goals. Him closest rival, Viktor Gyokeres of Coventry don score only 20 goals.

And during him acceptance speech, Chuba Akpom confess say the coachie (Michael Carrick) turn up at the right time because if not, things for worwor for the club and the player. According to Akpom, Carrick convert am to Number 10 wey turn am to beast.

Middlesbrough wey currently dey 4th for Championship table dey fight to gain promotion back to Premier League. With 3 matches to go, e dey almost impossible say dem go overtake second-place Sheffield United which means say dem go need to settle for the playoffs as their only hope of promotion.

As e dey Go

Guinea player wey accuse him coachie of stealing jersey wey Vinicius dash am go miss AFCON

Published

on

Guinea player wey accuse him coachie of stealing jersey wey Vinicius dash am go miss AFCON
Sylla sey him nor go gree unless the jersey come out

Guinea midfielder, Morlaye Sylla name nor dey the list of players wey go play this CAF African Cup of Nations wey go take place for Ivory Coast next month after him accuse Guinea national team coach, Kabba Diawara of stealing jersey wey Vinicius Junior give am when them play friendly match with Brazil for June this year.

Wahala start when Sylla find out sey jersey wey him swap with Vini Jnr wey him carry enter dressing room dey miss. Him start dey hala sey how jersey wey him carry enter dressing room go just borrow leg like that. Him start dey search everywhere.

Guinea player wey accuse him coachie of stealing jersey wey Vinicius dash am go miss AFCON

Guinea football coachie

After him search everywhere, him sey him go search all the players for the dressing room sey nah them steal am. Then later, him start to dey accuse their team coach, Kabba Diawara, sey nah him steal the jersey.

Nah this one make the coach and Guinea FA sey him nor go play for them again unless him apologize. But Sylla nor gree apologize. Him sey him dey on him right as him expect Guinea FA to focus more on who thief him original jersey wey nor be okrika.

Guinea go start their AFCON on 15th January when them go play Cameroon before them play Gambia and then defending champions, Senegal.

Continue Reading

As e dey Hot

I wan see more black coaches for professional football – Yaya Toure

Published

on

Black coaches deserve more chance according to Yaya Toure
What Guardiola and Mourinho can do, we can do put jara

Barcelona and Manchester City legend, Yaya Toure, don use microphone like hype man declare say more black coaches suppose dey professional football pass as e dey.

Yaya Toure wey leave Tottenham Hotspur U-16 for June this year go become assistant coach for Belgium with Standard Liege, don dey hala sey black coaches get everything wey any coach for world football need to succeed. According to am :

“My brother Kolo Toure nah the first and me don be second and e go continue like that. Black coaches go still become hot akara wey football clubs and national teams go dey rush. This nah because African coaches too get the ability to read and pass exams. In fact, nothing Guardiola and Mourinho fit do wey black coaches nor fit do”.

Black coaches deserve more chance according to Yaya Toure

What Guardiola and Mourinho can do, we can do put jara

Yaya sey him go like become the third coach to win African Nations Cup as player and coach after Muhammad El Gohary (1959 as player and 1998 as coach) and Stephen Keshi (1994 as player and 2013 as coach). Him say the opportunity don come before to coach him country, Ivory Coast but say him reject am because him never ready then. But say him don ready now.

Yaya Toure dey speak to journalists onto the African Nations’ Cup draw wey go shele on Thursday for Ivory Coast. Yaya and him brother follow for the Ivory Coast team wey win African Nations Cup for Equatorial Guinea 2015. As him don dey advocate for black coaches so, football people dey sey make black coaches sef dem try dey show workings sake of sey better soap nor need advert.

Continue Reading

As e dey Hot

Romelu Lukaku agents Roc Nation don drop am because him na bad market

Published

on

Romelu Lukaku agents Roc Nation don drop am because him na bad market
Lukaku issues don turn spiritual

Trouble don carry chair come balance for Romelu Lukaku house as e don clear sey Roc Nation wey belong to Jay Z don drop Lukaku from the list of players wey dem dey manage.

Roc Nation wey dey  also look after players like Marcos Rashford, Kevin de Bruyne, Wilfred Zaha, Samuel Chukwueze, Tyrone Mings, Eric Bailly and many others don comot all the photo wey resemble Lukaku comot for their website. People wey know as e dey go for football don confirm sey Lukaku and Roc Nation nor wan roll again.

Romelu Lukaku join Jay Z sports management company for 2018 after him leave Mino Raiola company after the super agent death. Nah the same Roc Nation carry am come Manchester United from Everton. Nah still dem carry am come Chelsea from Inter Milan last year. Nah still dem toast Chelsea wey dem for gree loan am go Roma after Chelsea bin sey nah only sell dem wan sell am.

Roc Nation wey belong to Jay Z don drop Lukaku

Lukaku matter don turn spiritual

This issue don dey make football people dey put 2 and 2 together because e never tay wey him betray Inter go discuss contract with Juventus for their back. E never tay too wey Juve fans dem carry fight go meet their club oga dem sey dem nor want Lukaku for their club. Then, Chelsea fans don play am tey-tey sey dem nor soro am onto how him insult their club for media under Thomas Tuchel.

All these issues put together don make Romelu Lukaku be like dog meat wey nobody wan buy. And as Roc Nation don decide to divorce am, we nor come know wetin happen gan-gan even as e clear sey Lukaku matter don turn spiritual.

Continue Reading

Trending