Connect with us

As e dey Go

Argentina World Cup celebration end in tears as 1 fan lose him life

Published

on

My people this one na very bad story as we don dey hear now say Argentina World Cup celebration don end in sorrow tears and blood after one fan lose him life during the celebration. Another fan dey fight for him life for Igbobi still on the matter.

Una know say Argentina win the 2022 World Cup wey shele inside Qatar after beating France for the final wey many people dey call the greatest World Cup final ever. And as the players return to dem country yesterday naim the fans for the capital come outside dey do carnival, throw party and people full street to celebrate them.

Na for that carnival naim one fan die sara after him climb on top roof dey play music dey jump up and down not knowing say the zinc wey dem take do the roof don rust finish and e no strong at all. Na as the bobo dey jump up and down naim the roof break wey make am crash down break head for ground. By the time don rush the bros go hospital, him don already log out of this world.

Argentina World Cup celebration end in tears as 1 fan lose him life

Argentina players and fan use carnival take celebrate dem World Cup win

Another fan dey fight for him life for hospital after him try to jump from on top bridge on top the open bus wey the players take dey do parade. As the bobo no land well naim him hit the edge of the bus, somersault hit for ground, gbosa.

Another fan wey try to jump too suffer the same thing and right now the bobo dey ICU for hospital dey fight for him life.

Na because of all this calamity and the fact say everywhere later choke wey the bus wey carry the players no fit move again naim make the Argentina players and officials cancel the movement. Las las na helicopter dem take come carry the players from there comot.

As e dey Go

Small quarrel between Ronaldo and him babe, people begin lie say dem wan break up- Ronaldo mama

Published

on

Small quarrel between Ronaldo and him babe, people begin lie say dem wan break up- Ronaldo mama

Cristiano Ronaldo mama, Madam Dolores Aveiro don come outside dey point accusing finger give people wey dey spread rumour say her pikin wan break up him girlfriend, Georgina Rodriguez say their evil plan no go work because na lie dem dey lie.

Na some few weeks back naim rumour begin spread say there is fire on the mountain because Ronaldo and him baby mama don get serious kwanta and because of dat kwanta, Ororo dey plan to dump her and do her like Hakimi.

In fact na one Instagram babe begin spread dat rumour say na before the two lovebirds wan board flight to somewhere naim dem begin shout for each other dey quarrel for the whole public of Igwemmadu.

But e no tay afterwards when Georgina herself come outside dey mock people wey dey spread the rumour say na only mumu dey believe rumour wey jealous people invent begin spread shamelessly.

Small quarrel between Ronaldo and him babe, people begin lie say dem wan break up- Ronaldo mama

And now, Ronaldo mama herself don come outside dey chook mouth for the matter say all those things wey dem dey talk about her pikin and her daughter in-law na big big lies. According to her:

”Abeg una don see anywhere wey man and woman no dey quarrel? Even husband and wife sef dey quarrel. Da wan na normal thing. So we go come say because dem quarrel therefore them wan break up? Haba mana! Make una suffri dey lie na.”

Ronaldo himself don kuku post picture of himself and Georgina kissing and doing mushy-mushy for public to prove say nothing dey happen and the love between him and him baby mama still strong well well.

Continue Reading

As e dey Go

Make nobody blame Lampard, Guardiola and Mourinho no go do pass am – Makelele

Published

on

It’s not over, we still fit beat Real Madrid jabo for Stamford Bridge- Lampard

Chelsea legend, Claude Makelele come outside dey draw ear give everybody wey dey criticize Frank Lampard say make dem leave the poor man alone to focus on him job, after all, even Pep Guardiola and Jose Mourinho no go do pass wetin Lampard dey do.

E shock many people when Chelsea name Frank Lampard as the coachie to take over the club after dem sack Graham Potter. Before then, Frank Lampard don lose 7 and draw 2 of him last 9 matches as Everton coachie wey make the club sack am.

Therefore many people believe say Chelsea just jump from frying pan enter fire. Lampard himself no kuku disappoint them because him start him second term with loss and na so e continue for the next six matches sotay people begin wonder whether no be relegation the man dey carry dem go so.

Chelsea finally secure the first points of Lampard second term as Chelsea coachie when The Blues beat Bournemouth 3-1 away. That win also remove them from relegation battle as the 41 points make am mathematically impossible to suffer relegation.

Make nobody blame Lampard, Guardiola and Mourinho no go do pass am - Makelele

Claude Makelele na former Chelsea midfield jagaban

Yet e no stop many fans from criticizing the man say him na carpenter wey just dey parade himself as coachie. Na wetin don make Makelele come outside dey defend Lampard say no other coachie go do pass wetin him dey do so. According to the former Chelsea midfielder:

”Instead of to dey blame Lampard, una suppose to dey hail am. Because dis job wey him collect na job wey go cripple many coachie dem career. Even if you carry Pep Guardiola or Jose Mourinho put for dis particular situation, dem for still flop.”

According to the former Lampard teammate for Chelsea, na new players full this Chelsea team. Many of dem never play for big club like Chelsea so dem still dey find their way. Lampard no know dis players before now yet him still get mind collect the work. As such the man deserve praise not castigation.

Continue Reading

As e dey Go

6 players + coachie chop red card as River Plate vs Boca Juniors end in vawulence

Published

on

6 players + coachie chop red card as River Plate vs Boca Juniors end in vawulence

No be small vawulence shele inside Argentina league as the Superclasico match between River Plate and Boca Juniors end with one big fight after which 6 players and Boca Juniors coachie, Jorge Almiron chop straight red card.

The match shele for River Plate home stadium, Estadio Monumental with 83,000 fans watching. Nothing happen for the full 90 minutes of the match sotay scores sef na 0-0 after 90 minutes. But na for injury time after ref award River Plate penarity naim things begin happen.

After all the arguments and disagreements with referee by Boca Juniors players, Miguel Borja convert the penarity to give River Plate the lead.

Immediately after the penarity, instead of to go celebrate with him teammates, another River player, Agustin Palavecino decide to celebrate by shouting inside the face of Boca Juniors keeper, and former Manchester United keeper, Romero.

Na diswan make Boca Juniors players rush Palavecino begin harass am, dey push am, be like somebody even tear am slap. E no tay before River players wey been dey celebrate realise wetin dey happen, begin rush come to help their man. And just like that street fight don set o.

6 players + coachie chop red card as River Plate vs Boca Juniors end in vawulence

Na Palavecino and Romero start the fight

The players begin throw punches, dey throw slap, dey shout for each other, before we know wetin dey happen dem don slam one player for ground and just like that, the fight don worse pass before as even the coaches enter pitch to put hand for the matter.

In the end na stewards and riot police manager separate the fight after 15 minutes of war. After everybody don calm down, referee nak 6 players red card, 3 from each side.

Agustin Palavecino wey start the gbege, Ezequiel Ignacio Centurion and Elias Gomez collect for River Plate. Na Miguel Merentiel, Ezequiel Fernandez and Nicolas Valentini collect for Boca Juniors. Romero escape even though na him punch somebody put for ground.

Continue Reading

Trending